Eplematematikk

Det er mange måtar vi kan knytte eple til matematikk. Her er nokre forslag:

• Kor mange eple kan vi legge etter kvarandre tvers over bordet?
• Kan vi legge epla i rekke etter størrelse? Vi kan for eksempel måle med ein «målepinne» dersom det er vanskeleg å sjå forskjell på størrelsen.
• Kan vi lage ein fargeskala av epla?
• Vi kan gruppere dei raude epla, dei mørkeraude, mørkegrøne, lysegrøne, gule ...
• Veging: Ei skålvekt illustrerer godt kva som er tyngst av to eple. Det kan vere moro å tippe først om kva for eple som er tyngst.
• Med ei kjøkkenvekt kan vi finne ut kva for eit eple som er tyngst og kva for eit som er lettast.

Klassifisering er ein viktig del av det å få ting på plass, noko som gjer at vi skapar orden og struktur. Samleglede er spire til systematisering og klassifisering. Å kunne klassifisere bygger på at vi kan sjå samanhengar, likskapar og ulikskapar. Å ordne eller gruppere gjenstandar kan vi gjere ut frå mange forskjellige kriterium, f.eks. størst, minst, fargar, form, lett, tung, lang, kort …